BETRI FERÐIR

Verð frá 114.800 kr

LÝSING:

Verð frá 114.800 kr.           Aukagjald fyrir einbýli 35.000 kr.

Sjaldan er Berlín jafn falleg og í jólafötunum, fallegar skreytingar eru út um alla borg og jólasöngvar óma í kirkjum og tónleikahúsum. Jólamarkaðarnir eru út um alla borg sem og jólavín (Glühwein), Lebkuchen hunangskökur og alls konar varningur í anda jólanna.  Það er mikið úrval jólatónleika á þessum tíma og er tilvalið að skoða það nánar t.d. í Berlínar Philharmoníunni og eins í Konzerthaus. 

​

Flogið út kl. 07.40 til Berlínar fimmtudaginn 2. desember með Icelandair. Við komu bíður rúta og ekur farþegum á hótelið en gist er á Leonardo Royal Alexanderplatz, sem er vel staðsett hótel í hjarta borgarinnar.  Þar í kring er allt sem hugurinn girnist, góð veitingahús, merkileg og glæsileg kennileiti og markverðar byggingar frá ýmsum tímabilum sögunnar sem og allar helstu verslanir borgarinnar.  Strax við komu á hótel er farið í smá vettvangskönnun um næsta nágrenni og farþegum bent á ýmislegt spennandi. 

​

Næsta morgun föstudag 3. des kl. 10.00 er farið í skoðunarferð um borgina í fjórar klukkustundir og margt áhugavert skoðað svo sem stjórnsýsluhverfið, Potsdamer Platz, Kurfürstendamm, Ólympíuþorpið, gyðingahverfið, múrinn og að þekktustu landamærastöð kalda stríðsins „Check Point Charlie“.  Síðdegið frjálst. 

​

Laugardagur 4. desember frjáls dagur í borginni en um kvöldið verður farið sameiginlega út að borða í „þýskan jólamat”, gæs með eplum, rauðkáli og öllu tilheyrandi.

​

Næsta morgun sunndag 5. desember er farið í gönguferð og komið við á einum þekktasta og fallegasta jólamarkaði borgarinnar.  Farþegar fræðast um þýskt jólahald og venjur.  Síðan er farið um hulduheima Austur-Berlínar á slóðir Stasi, Kalda stríðsins o.fl.  Mjög fróðleg og spennandi ferð.

​

Mánudagur 6. desember.  Brottför frá hóteli kl. 10.00 og flug með Icelandair kl 13:05-15:40   

​

INNIFALIÐ Í VERÐI:

​​

• Flug með Icelandair til Berlín og 23 kg taska

• Gisting í fjórar nætur á Leonardo Royal Alexanderplatz.

• Morgunverður

• Gönguferð á jólamarkaði

• Akstur til og frá flugvelli

• Íslensk fararstjórn

Ekki innifalið í verði:

Skoðunarferð um borgina 4 klst. – 5800 kr. Bóka þarf þessa ferð fyrirfram.  Jólamamatur – 40 € og greiðist þegar út er komið.

​

Lágmarksþátttaka er 20 manns og áskilinn réttur að fella niður ferðina náist sú þátttaka ekki.

​

FARANGURSHEIMILD OG SÆTISBÓKANIR:

Innifalið í verði er ein 20 kg taska.  Hver gestur má hafa með sér eina tösku í handfarangri, þó ekki stærri en 42x32x25 cm. Auk þess má hafa meðferðis fríhafnarpoka. Ekki er leyfilegt að hafa vökva í handfarangri. Hámarksþyngd handfarangurs er 10 kg. EF farþegar vilja bóka sæti fyrirfram þarf að greiða aukalega fyrir þau.

2/12/21-6/12/21

DAGSKRÁ:

​

2. des:

• Flogið úr kl 07:40

• Vettvangskönnun um næsta nágrenni hótels

3. des:

• Skoðunarferð um borgina

• Síðdegið frjálst

4. des:

• Frjáls dagur í borginni

• Sameginlegur kvöldverður - "þýskur jólamatur"

​

5. des:

• Gönguferð um borgina

• Seinna farið um hulduheima Austur-Berlínar

6. des:

• Brottför frá hóteli kl 10:00

​